Markaðsmisnotkun og Innherjasvik / Biðin langa

Markaðsmisnotkun: Markaðsmisnotkun er óheimil. Með markaðsmisnotkun er átt við að:

 

1. eiga viðskipti eða gera tilboð sem:
   1. gefa eða eru líkleg til að gefa framboð, eftirspurn eða verð fjármálagerninga ranglega eða misvísandi til kynna, eða
   2. tryggja óeðlilegt verð eða búa til verð á einum eða fleirum fjármálagerningum, nema aðilinn sem átti viðskiptin eða gaf fyrirmæli um þau geti sýnt fram á að ástæður að baki þeim
2. eiga viðskipti eða gera tilboð sem byggð eru á tilbúningi eða þar sem notuð eru einhver form blekkingar eða sýndarmennsku,
3. dreifa upplýsingum, fréttum eða orðrómi sem gefa eða eru líkleg til að gefa rangar eða misvísandi upplýsingar eða vísbendingar um fjármálagerninga, enda hafi sá sem dreifði upplýsingunum vitað eða mátt vita að upplýsingarnar voru rangar eða misvísandi. Þegar fjölmiðlamenn miðla slíkum upplýsingum í krafti starfs síns ber að meta upplýsingamiðlunina með hliðsjón af reglum um starfsgrein þeirra, svo fremi þessir aðilar hljóti hvorki ávinning né hagnist af miðlun viðkomandi upplýsinga með beinum eða óbeinum hætti.

4. Innherjasvik: Innherja er óheimilt að:

5. afla eða ráðstafa fjármálagerningum með beinum eða óbeinum hætti, fyrir eigin reikning eða annarra, búi hann yfir innherjaupplýsingum,
6. láta þriðja aðila innherjaupplýsingar í té, nema það sé gert í eðlilegu sambandi við starf, stöðu eða skyldur þess sem upplýsingarnar veitir,
7. ráðleggja þriðja aðila á grundvelli innherjaupplýsinga að afla fjármálagerninga eða ráðstafa þeim eða hvetja að öðru leyti til viðskipta með fjármálagerningana.

Eftir hverju er verið að bíða?

450 milljarða lán á síðasta fundinum

Athugasemdir

[Bernharð Hjaltalín, 3.1.2011 kl. 20:09]

Sæl Jenný,okey 450.miljarðar hvernig er staðan á lánunum,bankar lána peninga er verið að borga af lánunum eða ekki? ef ekki er þetta glæpur

[Friðrik Hansen Guðmundsson, 3.1.2011 kl. 20:25]

Sammála, eftir hverju er sérstakur saksóknari að bíða?

[Jenný Stefanía Jensdóttir, 3.1.2011 kl. 21:26]

Sæll Bernharð jú bankar lána peninga ...   en ef þeir lána peninga til kaupa á hlutabréfum í eigin banka, með það að markmiði að halda verði á bréfunum uppi (markaðsmisnotkun), greiða svo viðkomandi jafnvel "fyrirframgreiddan arð" án skuldbindinga, þá er það líklega glæpur, hvort sem viðkomandi er að greiða lánið, eða hefur fengið það niðurfellt.

Vonandi er sá rússneski að borga þetta lán niður, en hinir 270 milljarðarnir til "innherja" er líklega niðurfellt, tapað og tröllum gefið.

Friðrik,  það mætti alveg fara að birtast einhver sókn, eftir þrotlausar rannsóknir til margra mánaða.

[Sigurður Hjaltested (IP-tala skráð) 3.1.2011 kl. 23:25]

Gott framtak hjá þér Jenný. Haltu því áfram. Það þarf meira til af svona greinum svo almenningur skilji hvað þessir djöflar voru að gera.

Kv.Sigurður

[Jóna Kolbrún Garðarsdóttir, 4.1.2011 kl. 00:27]

Heyr, heyr