Aulahrollur upp á 8 stig á Richter

framkallaðist við lestur þessa bréfs frá "landa" mínum Lesperance um auðmenn sem eru ekki "jackasses".

Það eru nokkur atriði í bréfinu sem framkalla áður óþekkta andlitskippi;

Growth Creators, kallar hann þessa 10 einstaklinga, sem við skulum sem snöggvast þýða "broddborgarar".

Ferilskrá óskast

Broddborgarnir eru bugaðir af áhyggjum yfir ástandi í heimalandinu vegna umhverfisvandamála, tjáningafrelsi og sjálfbærni og jafnframt gætu litlu broddgöltarnir þeirra verið kvaddir í herinn fyrirvaralaust.  (lygi)

Af lýsingum á þessum broddborgurum má ætla að þeir hafi látið þungt að sér kveða í sínum heimalöndum, á vettvangi stjórnmála, verndunarstofnana eða góðgerðastofnana hvers konar, áður en að þessari ögurstundu er komið að sækja um annan ríkisborgararétt.   Þeir ættu því að hafa rekjanlega slóð sem hægt er að fletta upp praktíkinni á prédikun þeirra.   Lögfræðingurinn varar við því að gúggla þetta fólk, því það gæfi alls ekki rétta mynd.

Það er sérstaklega þessi setning sem veldur velgju;

"They already have determined that strategic philanthropy is an important part of their
lives and are looking for ways of creating a worthwhile legacy that will endure
beyond them. " 

Það hefði verið trúverðugt að sjá ferilskrá þessara 10 sem sýnir þessa góðgerða- og mannúðarkennd sem er svona mikilvægur hluti af þeirra lífi.  Hjónaleysin Angelina og Brad Pitt eru t.d. fólk sem "practice what they preach" og greinilega fylgir sannfærandi hugur máli í öllu þeirra  starfi á vegum mannúðar og uppbyggingar, hvaða svo sem hvatir kunni að liggja að baki nema ef vera skyldi góðar hvatir.

Sakaskrá óskast   Ískyggilega ísmeygilegt er svarið við spurningunni um sakaferil.  Það þjóni engum tilgangi, enda hafa þessir aðilar aldrei búið á (lesist framið brot) Íslandi og því skipti það ekki máli.  Lögfræðingurinn ætti að vita að hans eigið heimaland, vill fá sakavottorð skrifað á ensku, stimplað af löggiltum dómtúlk og dagsett í dag áður en þeir taka umsókn um búsetu (ekki einu sinni ríkisborgararétt) til skoðunnar.

Dómsaga óskast   Lögfræðingurinn gefur fyllilega til kynna að þessir aðilar séu skotmörk óprúttinna aðila sem lögsækja "broddborgara" til þess eins að valda þeim óþægindum, sem broddborgarar eru jafnvel tilbúnir að semja um greiðslu til að losna undan.  Þessar lögsóknir eiga ekkert skylt við lögbrot, heldur einungis óþægindi af hálfu afæta og öfundsjúkra.   Þurfum ekki að sækja langt yfir spor-Bauginn til að finna sambærilega útskýringu á hvers vegna viðkomandi er með æviráðna varnarlögfræðingaskrifstofur í mörgum löndum.

Skattgreiðsluferill óskast

Öll umræða um ógleði hópsins gagnvart stjórnvöldum í heimalandi og meintri sóun á "þeirra" skattdollurum vekur auðvitað þvílíka ógleði að ekki er hægt að fjalla um án þess að hrifsa ælupokann af  Tryggva Herberts.  Sérstaklega þegar verið er að reyna að múntra íslensk stjórnvöld fyrir skynsemi, ráðdeild og réttlæti í atgervi öllu, með þokkalegri virðingu þó fyrir viðleitni þeirra í vonlausu árferði.  Þetta er einmitt þjóðflokkurinn sem treystir sjálfum sér bezt til að útdeila "molunum" til múgsins, svo mikið beri á og lýðurinn sturlist af  persónulegri velþóknun til þeirra.

 

Ég skora á fólk að lesa þessa sjö blaðsíðna greinagerð sem fylgir fréttinni.  Þó Íslandi veiti ekkert af hjálparhönd við atvinnuuppbyggingu hvers konar, og umfjöllun um 100% sjálfbærni í orkuöflun, fyrst landa í heiminum hljómi óstjórnlega spennandi,  þá er ekki sama hver, hvernig og hvenær og hversu mikið það er gert.

Hér blikka 10 rauð ljós og 10 rauð flögg, sem þessir 10 einstaklingar verða að gera grein fyrir ef ómengaður hugur fylgir máli.  Þess fyrir utan þá á alls ekki að selja ríkisborgararétt án kröfu um undanfara i búsetu og þátttöku í þjóðfélaginu, líkt og önnur lönd þ.m.t Kanada eru grjóthörð á.

Ég er fegin að heyra að innanríkisráðuneytið og ráðherra þess, svo og öll ríkisstjórnin er ekki ginkeypt fyrir þessari froðu.  

 

 


mbl.is Spurningar og svör um auðmenn
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sævar Einarsson

Mín skoðun er: Ekkert af þessu óskast, ríkisborgararéttur er ekki til sölu og það er með öllu fáránlegt að það sé verið að eyða tíma alsherjarnefndar í þetta rugl. Þeir gætu kannski keypt sér ríkisborgararétt í þriðaheims ríkjum en ég stór efa það samt.

Sævar Einarsson, 3.4.2011 kl. 05:02

2 identicon

Ríkisborgararéttur er ekki til sölu. Þessi fríði flokkur á að snúa sér eitthvert annað. Ferill þessara manna er slíkur að manni verður óglatt.

Hrafn Arnarson (IP-tala skráð) 3.4.2011 kl. 08:18

3 Smámynd: Haukur Sigurðsson

Já aulahrollurinn var afgerandi fyrstu 70% lestursins.  Þetta er rosalega skrýtið bréf á marga vegu og ég held að hann sé hreinlega að reyna að einfalda allt saman fyrir hinn "heimska meðalmann".  En hann kemur líka með einn eða tvo ágætis punkta, t.d. þegar hann heyrir tóninn í fólki í mótmælunum og svo þetta hérna:

"Iceland also has enormous potential to
become a clean, self sustaining, fossil fuel free, and environmentally pure
innovation centre.
"

Þetta hefur Íslendingum verið sagt aftur og aftur af innlendum sem erlendum sérfræðingum, en samt er þetta ekki að gerast.  Hvers vegna ekki?  Hvað vantar uppá hjá okkur?  Ég hef búið erlendis í fjögur ár og vinn mikið innan orkugeirans, og á u.þ.b. 2-3 mánaða fresti á ég samtöl um einmitt þetta efni við sérfræðinga innan bransans.  Þá meina ég bara svona kaffispjall út frá þjóðerni mínu. Sumir hafa unnið á Íslandi við að hanna leiðslur og slíkt og finnst auðlindirnar okkar alveg ótrúlegar.  En þeim finnst um leið svolítið skrítið að bílaflotinn í Reykjavík sé nær allur knúinn af bensíni og rafmagnið sé virkjað í "vitlausa átt" eins og einn kunningi minn frá Texas orðaði það.  Þessir menn þekkja náttúrulega ekki allar staðreyndir frekar en Lesperance, en mér finnst þeir oft hafa eitthvað til síns máls í gagnrýni sinni.  Og þó svo mér finnist grundvallarbull að selja ríkisborgararétt til nokkurs manns, þá verð ég líka að viðurkenna eitt;  Á núverandi tímapunkti, þá gætirðu ekki mætt neikvæðari þjóð en Íslandi.  Að reyna að koma hugmyndum peningasterkra einstaklinga á framfæri við Íslendinga núna, er svolítið eins og reyna að selja kóraninn í kirkju í South Carolina.  Þannig að ég held að það skipti engu hvernig Lesperance leggur fram mál sitt.  Það verður alltaf eins og að skipta sér af hjónarifrildi, þegar maður leggur fram lausn sem er í raun ágæt en hagsmunaaðilar hugsa bara; "Þegiðu, þú veist ekki neitt þarna!!"

Haukur Sigurðsson, 3.4.2011 kl. 09:11

4 identicon

Æ, hvað er maður búinn að sjá mörg svona leikrit þar sem verkið byrjar á því að leikendur og áhorfendur stynja í hneykslun og vandlætingu: "Spilling, siðleysi og aulahrollur." En þegar komið er að lokaþætti verksins er komið annað hljóð í strokkinn og verkinu lýkur á því að gagnrýnendur, álitsgjafar og aðalleikendur teyga á ógeðisdrykknum og kyngja ælunni að afloknu "ísköldu hagsmunamati" undir styrkri stjórn leikstjórans.

Listinn er óendanlegur. Hér eru nokkur verkanna:

Mismunun neyðarlaganna milli sparnaðarforma, endurreisn bankanna og Sjóvár - skuldabréf á ríkissjóð upp á mörg hundruðu milljarða, skilanefndir og slitastjórnir, óbreytt bankaleynd, Magma díllinn, ólöglegu stökkbreyttu íbúðalánin og eignaupptakan í kjölfarið, skattahækkanir, gjaldeyrishöft á suma en ekki aðra, óbreyttar stjórnir lífeyrissjóða, kvótafarsinn, endurreisn fyrirtækja útrásarvíkinga, ríkisstuðningur við gagnaver Björgólfs Thors, gjaldþrota fyrirtækjum útrásarvíkinga forðað frá rannsókn með nauðasamningum, mútuþægir þingmenn sitja sem fastast, klíkuráðningar í opinberri stjórnsýslu, niðurskurður á spítölum, skuldauppgjör Björgólfs Thors fer fram án aðkomu íslenskra yfirvalda, þingmenn Samfylkingar forða ráðherrum sínum frá Landsdómi og núna IceSave III til bjargar ríkustu mönnum Bretlandseyja.

Við fáum einn séns til að segja skoðun okkar á því sem hér hefur gengið á þann 9. apríl. Annað hvort segir maður: Nei, hingað og ekki lengra, ég læt ekki bjóða mér þetta lengur eða Já, ég kyngi ælunni enn og aftur og blogga í hljóði um óréttlæti heimsins og hvað ég myndi gera ef ég hefði möguleika á því að breyta einhverju!

Torfi Hjartarson (IP-tala skráð) 3.4.2011 kl. 12:37

5 Smámynd: Jenný Stefanía Jensdóttir

Haukur, mælt þú manna heilastur.  Ég er alveg sammála þér, að tortryggnin sem nú er við völd mun tæplega ná að sía út hugmyndir og fjármagn sem eru settar fram af heilum hug og "eðlilegum" viðskiptasjónarmiðum.

Þess vegna beit ég í kinnina, neðrivörina og á jaxlinn þegar þessar fregnir af tíumenningunum bárust,  ætlaði ekki að gerast óraunsær pessimisti.  En því miður þetta bréf stóðst ekki skoðun, eins og þú segir skrifað af sannfæringu um að lesandinn sé fífl.

Jenný Stefanía Jensdóttir, 3.4.2011 kl. 14:43

6 identicon

Sæl Jenný mín. Já það fellur af manni á hverjum degi aulahrollslag og ég er farin að halda að maður sé ekki einu sinni komin niður fyrir helming . Svik,prettir,siðblinda og öll lýsingarorð sem ná yfir neikvæða hegðun Íslendinga er endalaus. Er nokkur furða að öll skilningarvit séu nötrandi á manni og traust á "buissnessfólki" gjörsamlega við alkul. Kær kveðja vestur um haf ljúfan.Vonandi er vorið komið hjá þér í allri sinni dásemd.

Ragna Birgisdóttir (IP-tala skráð) 4.4.2011 kl. 09:22

7 Smámynd: Jenný Stefanía Jensdóttir

Ragna mín, hlýjan frá þér er hroll drepandi!   Vorkveðjur til Eyja.

Jenný Stefanía Jensdóttir, 4.4.2011 kl. 17:45

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband