Orðspor deyr aldreigi!

Orðsporsvísitala Arions banka er eitthvað alveg nýtt í umræðunni. 

Maður gæti jafnvel haldið að þetta væri svona vog með skalanum:

Fullkomið æruleysi til  fullkomins æðruleysis frá vinstri og hægri.

Í núllstöðu stendur vogin á  skalanum: "Löglegt en siðlaust" 

Hvar á þessari vog lendir þessi "fyrrverandi" útrásavíkingur, vinur olíufurstana og Tortólavinur.

Hann mælist kannski ekki, eða skríður rétt til hægri út af grilljarða sjóðnum sem stofnaður var fyrir nauðstödd börn í Afríku.

Er ekki rétt að hinkra eftir "grátskýrslunni" áður en haldið er lengra í samningum við "meinta ærulausa" viðskiptajöfra?

 

Ólafur heldur Samskipum

Athugasemdir

[j.a. (IP-tala skráð) 28.1.2010 kl. 10:36]

Eplið fellur nú sjaldnast langt frá eikinni.....      Hver man ekki eftir S.'I.S.

[Pálmi Gunnarsson (IP-tala skráð) 28.1.2010 kl. 11:17]

Bráðum fer maður að fá líkamleg ofnæmisviðbrögð við fréttum sem þessum. Vont að upplifa viljaleysi þjóðarinnar sem barði búsáhöld fyrir betri tíð. Síðan þá hefur allt farið niðurávið og á ég þá fyrst og síðast við það sem snýr að andlegri hlið þjóðarinnar. Trúlega eins með okkur og barða rakka, þeir glefsa meðan verið er að lemja þá til hlýðni en leggjast svo flatir, rúnir reisn og krafti. Þó ég sé allajafna bjartsýnn og jákvæður þá hef ég ekki góða tilfinningu fyrir þessu öllu ... held næstum því að þjóðinni minni sé ekki viðbjargandi.

[Arinbjörn Kúld, 28.1.2010 kl. 12:49]

Góð

Kveðja að norðan.

[Jenný Stefanía Jensdóttir, 28.1.2010 kl. 15:53]

JA 

Saga SIS upphafið, uppgangur og niðurgangur, hreyfir allan tilfinningaskalann, og gleymist aldrei. 

[Jenný Stefanía Jensdóttir, 28.1.2010 kl. 15:56]

Pálmi;  Ég sé í anda kraftaverkin gerast.  Held í þá VON á myrkum dögum, með þinni hjálp og annarra alvöru snillinga.

Kveðja norður á vaktina Arinbjörn, ekki sem verstur sjálfur.

[Finnur Bárðarson, 28.1.2010 kl. 18:24]

þeim liggur á að koma öllum ránsfengnum í tryggt skjól áður en skýrslan kemur. Þeir ætla að vera skrefi á undan.

[Jenný Stefanía Jensdóttir, 28.1.2010 kl. 18:29]

Sæll Finnur,  "tryggu skjólin" eru ótrygg nú um stundir.  Ég trúi því og treysti.

Nú berast fréttir um að arðgreiðsluþeginn, sem bar fyrir sig bókhaldsvanþekkingu (sic) er búin að segja sig frá nefndinni, sem veitir grátskýrslunni móttöku.

Næst bestu fréttir dagsins, enda toppar fátt handboltadrengina.

[Jóna Kolbrún Garðarsdóttir, 28.1.2010 kl. 22:42]