Fyrirsjáanlegt, þrátt fyrir mikla lögfimi.

Framsal Assange frá Bretlandi til Svíþjóðar byggir á framsalslögum í flokki 1 milli Evrópuríkja.  Ekki er hægt að bera fyrir sig harðræði né dauðarefsingu, þar sem öll lönd innan Evrópu lúta sömu/svipuðum lögum um réttindi sakborninga.

Lögfræðingur Assange hefur á hinn bóginn farið út í mikla lögfimi til að koma í veg fyrir að skjólstæðingur sinn verði sendur til Svíþjóðar, til að svara þessum (óskiljanlegu) ásökunum tveggja kvenna.

Hann bendir á að þetta sjónarspil sé í  raun runnið undan rifjum forsætisráðherra Svíþjóðar Fredrik Reinfeldt í samráði við vin sinn og starfsfélaga Karl Rove.  Sá síðarnefndi var háttsettur í starfsliði George Bush og er reglulegur yfirlýsingaglaður gestur í Fox News.  Hann hefur og áður verið sakaður um sviðsettar ákærur gagnvart óþægilegum fylkisstjóra, en Karl flýði land, til Svíþjóðar til að þurfa ekki að svara fyrir þær.

Bæði sá sænski og Karl Rove hafa fullgildar ástæður fyrir að vilja finna Assange í fjöru;   WikiLeaks gögn hafa gert lítið úr forsætisráðherra Svíþjóðar, og Rove berst fyrir orðspori sínu og gjörðum innan Bush stjórnarinnar, en leki WikiLeaks hefur einkum beinst að stjórnartíð hans.

Bandarísk stjórnvöld vinna að því öllum ráðum að finna lög sem hægt er að ákæra Assange fyrir.  Rætt hefur verið um "Espionage lögin"  um þjóðaröryggi, en vandinn er að þau lög eru ekki talin upp í framsalssamningi milli Svíþjóðar og US.

Samsæriskenning lögfræðingsins gengur út á að það sé verið að vinna tíma með því að negla Assange í réttarhöldum í Svíþjóð, þar til bandarískir lögfræðingar eru tilbúnir með skotheldar ákærur, sem framsalssamningur hleypir í gegn.

Þá er sænski saksóknarinn Marianne Ny álitin feminískur karlahatari af verstu sort!

Eftir að hafa lesið lýsingu  (sjá hlekk) á þeirri atburðarrás sem lögð er til grundvallar við þetta framsal, er varla annað hægt en að leiða hugann að samsæriskenningum.

Í raun, er lítill munur á framsalslögum frá Bretlandi  til US eða  Svíþjóð.  Þess vegna virkar sú vörn Assange lítt, að hann muni frekar verða framseldur frá Svíþjóð en Bretlandi.  Bandaríkin eru ekki tilbúin með ákæru, annars hefðu þeir löngu krafist framsals.

Fjölmiðlar heimsins munu varpa kösturum sínum á þetta mál alla leið.  Þess vegna væri best fyrir Assange að hefja vörn í meintu "nauðgunar" máli eða fá því vísað frá.

Leyfilegt að framselja Assange

Athugasemdir

[S.H. (IP-tala skráð) 24.2.2011 kl. 17:59]

Hér eru ýmislegt á reiki. Forsaetisrádherra Svíthjódar heitir Fredrik Reinfeldt og ekki Karl. Aftur á móti heitir utanríkisrádherrann Carl (med C ) Bildt.

Ad fullyrda ad Wikileaks hafi gert lítid úr Fredrik Reinfeldt er  fjarstaeda, uppljóstranir sem ad Svíthjód lutu voru um samstarf vid Nato thrátt fyrir ad vid thykjumst vera hlutlaus, en slíkt vissi nú ádur hvert mannsbarn í Svíthjód.

Bandarískur sendirádsmadur hafdi kallad Bildt " medium size dog"  en thad skemmti baedi Bildt og thjódinni. Ad Karl Rove hafi verid hér kannast ég ekki heldur vid og ef svo vaeri er ekkert athugavert vid thad. Menn hafa ferdafrelsi baedi hér og vestan hafs!

 Svo er alveg gjörsamlega út í hött ad halda  thví fram ad saensk stjórnvöld eda ríkisstjórn skipti sér af dómsmálum. Hér í landi eru sjálfstaedir og óhádir dómstólar.

Ekki er heldur haegt ad framselja Assange til thridja lands fyrir brot sem ekki vardar vid a m k eins árs fangelsi  hér í landi. Saenska tjáningar-og prentfrelsislöggjöfin er ein sú elzta í heimi og uppljóstranir Assanges thví ekki lögbrot hér.

Thitt innlegg er í haesta máta bisarrt. 

[S.H. (IP-tala skráð) 24.2.2011 kl. 18:11]

"Medium size dog with a big dog attitude" voru ordin um Carl Bildt.

En Bildt hefur ágaett skopskyn og tholdi thetta vel thví fáir standa honum á spordi í thekkingu á umheiminum.

[Jenný Stefanía Jensdóttir, 24.2.2011 kl. 18:13]

Þakka þér þitt innlegg S.H. og mun ég snara breytingu á forsætisráðherranum hið fyrsta. Gaman að heyra fleiri sjónarmið líka!

Hér er verið að vísa í samsæriskenningar sem "nota bene" eru ekki runnar undan mínum fáu rifbeinum, heldur vefsíðum eins og Huffington Post og m.a. þessari hér http://www.dailykos.com/story/2010/12/20/930528/-Karl-Rove-Behind-Push-To-Prosecute-Julian-Assange

Skrítið að þú skulir ekki hafa frétt að Karl Rove var ráðinn sem sérstakur ráðgjafi til Frederiks.

WikiLeaks tengist Íslandi ákveðnum böndum, og því hefði ég haldið að einhver áhugi væri á að stíga aðeins dýpra í fréttir af þeim.  Það var eiginlega meiningin með mínu "bissart" innleggi.

[Jenný Stefanía Jensdóttir, 24.2.2011 kl. 18:28]

Skv. mínum skilningi er meint móðgun Svía við WikiLeaks  ekki endilega af hégómalegum "medium size dog" ástæðum, heldur þessari hér:

The secret cables, seen by The Daily Telegraph, disclose how Swedish officials wanted discussions about anti-terrorism operations kept from public scrutiny.

They describe how officials from the Swedish Ministry of Justice and Ministry of Foreign Affairs had a “strong degree of satisfaction with current informal information sharing arrangements” with the American government.

Hljómar líkt og þegar tveir menn settu Ísland á viljuga listann fram hjá vilja þings og þjóðar.

[S.H. (IP-tala skráð) 24.2.2011 kl. 20:58]

Ég kannski var á nádhúsinu og missti af Karl Rove. Árans!

[Sigurður Antonsson, 24.2.2011 kl. 22:16]

Hef ekki mikla trú á að Bandaríkjamenn þoli ekki uppljóstranir Wikileaks. Allt of margar samsæriskenningar í gangi. Svíar eiga líka eftir að sýna að þeir hafi árangur sem erfiði með þessari framsalskröfu. Allt þetta mál er reyfarakennt. Líklega er skárra að lesa íslenska leynilögreglusögu.