Sjúkt og siðlaust viðskiptaumhverfi 2.grein

Í júní 1993 skrifaði ég 1.grein sem bar þetta heiti,

þá var ég ung, reið og ráðvillt nú er ég bara reið.

Í viðskiptablaðinu í dag birtast svo hrikalegar niðurstöður um að 70% stjórnenda í íslensku viðskiptalífi telja það vera siðlaust.

Í mínum huga, verður engin hugarfarsbreyting þvinguð upp á stjórnendur fyrirtækja, hvorki á átján árum eða einni nóttu.    Það þarf að gera þetta í gegnum "veskið og virðingu" þeirra, það er það eina sem þeir skilja.

Fámennisþjóðfélagið á marga góða og hugljúfa kosti, en jafnramt er það ástæða og uppspretta þess sem við köllum spillingu og nápot.   Það þarf að setja miklu harðari reglur um opinberan rekstur, innkaup og ráðningar, sem fylgt er eftir með reglulegu eftirliti.   Ekki skal vera leyfilegt að sama stofnun skipti við sama birgja lengur en 12 mánuði í senn, án undangengis útboðs.

Aðal spillingin nú ef marka má orðróm, felst í að fyrirtæki sem lent hafa í kryppluðum faðmi bankanna, tæknilega gjaldþrota vegna rugls stjórnenda og eigenda, en rekstrarvæn eru nú með dagskipun að snúa viðskiptum sínum hvert til annars, no matter what!  Ef einhver sannleikur reynist vera í þessum orðróm, þá er auðvitað um bullandi brot á samkeppnislögum að ræða, sem gætu haft í för með sér háar fjársektir.

Ein grundvallarregla til bráðabirgða vegna efnahagshruns væri sjálfsögð; Þeir sem sátu í stjórnunarstöðum í bönkum og fyrirtækjum og Skýrsla RNA vísar í sem "frekari rannsóknarhæf" viðskipti hjá saksóknara eru óhæfir til stjórnarsetu eða sem æðsti stjórnandi í hlutafélögum þar til meintar ásakanir hafa verið rannsakaðar til fulls og mál dæmd eða vísuð frá.

Stórauka þarf sektarfjárhæðir við hvers kyns brotum í viðskiptum.  Víða erlendis eru starfræktar svokallaðar BBB  "Better business Bureo", sem tekur út alla starfsemi fyrirtækisins eftir ákveðnum stöðlum, sem ákveða hvort fyrirtækið geti fengið BBB stimpil, sem þykir traustvekjandi og trúverðugur.  Þarna er líka komið eftirlitsbatterí sem fylgist með orðrómi og kannar sannleiksgildi, tekur við kvörtunum ofl. 

Loks er fullkomnlega tímabært fyrir all löngu síðan að "fagstéttin" Endurskoðendur og Viðskiptafræðingar, álykti opinberlega um þær óvirðingar sem félagsmenn hafa orðið fyrir og halda áfram að verða fyrir á meðan t.d. Endurskoðendur neita að horfast í augu við eða svara af tómlæti; "við gerðum ekkert rangt", og félagsmenn á þeirra vegum liggja undir þungum ásökunum um brot í starfi.  

Í stuttu máli;  til þess að bæta siðferðið þarf viðskiptaumhverfið,  sem getur aldrei einkennst af öðru en mikilli fákeppni, að búa við ferkantaðar reglur, háar sektir og viðurlög við brotum.  Almenn umræða um þegar  stjórnendur fyrirtækja missa sig í græðgi og opinberri fyrirlitningu á ríkjandi viðhorfum sem leitt hafa til glötunar nú um sinn.

Athugasemdir

[Bjarne Örn Hansen (IP-tala skráð) 28.4.2011 kl. 19:56]

Þú verður að fyrirgefa vinan, en áður varstu ung og ráðvilt, núna ertu bara ráðvilt.

Við búum við kerfi sem heitir "Capitalism", það er þetta kerfi sem hefur veitt fólki það frelsi og aðstæður sem það býr við.  Þetta er aftur á móti ekki það sem, fólk eins og þú, vilt.  Þið viljið öryggi á kostnað frelsisins, en gerið ykkur ekki grein fyrir því hvað þið eruð að kaupa.

Þú getur skrifað eins langa pistla og þú vilt, en ef þú vilt hafa eitthvert skin af því sem raunverulega gerist, þá þarftu að gera þér grein fyrir einu.  Samfélagið mun alltaf vera pýramídi, þar sem þeir sem eru efst uppi hafa mest.  Þessi þáttur er ekki til umfjöllunar, heldur er staðreynd sem þú verður að setja að baki alls þess sem þú vilt gera þér grein fyrir.  Þú getur síðan reynt að mála þetta í ólíkum litum, eða skin myndum, og kallað þær allt mögulegt allt eftir því hvernig geðinu hvarflast hverju sinni.  En baráttan í samfélaginu gengur út á það, hver sé efst í lifibrauð-stiganum.

En "Capitalism" byggist á því, að hægt sé að nota fé til að hefja stórar framkvæmdir sem annars væru ekki mögulegar.  Slíkt fyrirbæri gerir aftur á móti það að verkum að samfélagið er ekki "stabílt", og þeir sem eru efst á pýramídanum eru ekki tryggir í sessi.

Það sem þú ert að óska eftir, er að fara tilbaka í tímann, þar sem Guðir og Konungar ráða ríkjum, og aðrir hafa engan möguleika annan en að fylgja þeim að málum.

11 September, 2001, var World Trade Center lagður í rúst.  Það er virkilega vinsælt að kenna þetta aröbum, en það er því miður skelfilega kjánalegt.  Því það var byrjun að árás á "Capitalism".  Núna, ertu í sjálfheldu og munt að öllum líkindum kjósa frá þér þitt eigið frelsi og barna þinna, og hefta afkomendur þína í búr.

Hjákátlegt, ef það væri ekki sorglegt.

[Agla (IP-tala skráð) 28.4.2011 kl. 20:21]

Mjög athyglisverð færsla.

Kærar þakkir

Ég náði  samt ekki alveg seinustu setningunni : " Almenn umræða um þegar stjórnendur.."  . Gætirðu hjálpað mér?

[Jenný Stefanía Jensdóttir, 28.4.2011 kl. 20:26]

Plís þú mátt segja hvað sem er nema ekki kalla mig "vinu"!

Þrátt fyrir  útlenskulegt nafn þitt Bjarne, þá hljómar þessi pistill þinn  heimóttarlega.    

Ég hef ekkert á móti frelsi til athafna-ásta-skoðana-lífstíls-trúar eða kapitalisma, og kæri mig gersamlega kollótta þó að einhverjir sperri sig og berjist um topp-pallinn á pýramídanum.

Ég er á móti frelsi til glæpa!

Við erum bara enn ein tegund af dýrum í skóginum.     Daginn sem atgangur dýranna þarna uppi verður svo tryllingslegur að pýramídinn hrynur til grunna, og allir fyrir neðan troðast undir,  þarf að hefta dýrin með aðferðum sem þeir einir skilja.  

Við gætum síðan rætt samsæriskenningar um WTC á öðrum vettvangi og hvers vegna 

[Jenný Stefanía Jensdóttir, 28.4.2011 kl. 20:36]

Agla,  almenn umræða ..... með því á ég við að almenningsálitið  endurspegli í orði og á borði fyrirlitningu á siðleysi í viðskiptum. 

Óteljandi sinnum, hef ég lesið og heyrt hrunverja lýsa einhverjum flóknum viðskiptafléttum sem "bara eðlilegum viðskiptum". Öllum sem hafa kynnt sér niðurstöður og ábendingar RNA  er ljóst að þessar fléttur voru margar hverjar allt annað en eðlilegar.