Ekki skynsamlegt og ekki við hæfi að hafa skoðun á þessari ráðningu!

segir fjármálaráðherra.

Á hverju er þá skynsamlegt að hafa skoðun?  Væri þetta ekki prýðisvörn hjá fyrrverandi forsætisráðherra sem situr fyrir landsdómi m.a. fyrir að hafa ekki þótt skynsamlegt að hafa (opinbera) skoðun á aðgerðum og aðgerðarleysi, sem að lokum keyrði landið í kaf. 

Páll Magnússon er laskaður af hagsmunaárekstrum fyrst og fremst sem gera hann vanhæfan í forstjóraembætti Bankasýslu ríkisins.  Þess vegna er fáranlegt að vera að skella fram árangri í einhverjum lestrar og skriftarprófum.

Það er alveg bráðnauðsynlegt að "hagsmunir og tengsl" við gjörninga sem felldu Ísland, verði taldir valda alvarlegu vanhæfi í störf, sem miða að því að endurreisa rústirnar.  Hefur nákvæmlega ekkert að gera með manngæsku eða færni. 

Steingrímur hlýtur að skilja þetta, því þetta er jú ein megin ástæðan fyrir að fólk sem aldrei gat sagt kommúnisti án þess að skeyta orðinu "helvítis" fyrir framan, kaus hann í síðustu kosningum.

Eða ætlar hann að beita þessu "skynsamlega" skoðanaleysi, þegar Páll kynnir til sögunnar góðkunningja hrunsins sem nýja kjölfestufjárfesta í Landsbankanum?

Get a grip man!

Metur rökstuðning

Athugasemdir

[Ásthildur Cesil Þórðardóttir, 14.10.2011 kl. 17:15]

Hann er strax farin að draga í land og segja að það sé ekki í verkahring ráðherra að ógilda þessa ráðningu.  af hverju var hann þá að kanna málið og biðja um svjör?

[Jenný Stefanía Jensdóttir, 14.10.2011 kl. 20:44]

Segðu!  Það er víst í verkahring ráðherra að ógilda ráðninguna,  ....... og leysa stjórnina upp ef ekki vill betur.  Markmiðið með stofnun þessarar sýslu var að setja upp pólitískan eldvegg  á milli  reksturs  bankanna  og ríkisins sem  hafði illu heilli fengið þá í fangið.   

Þó Páll sé ráðinn "hinum megin" við eldvegginn, breytir það ekki því að hann er pólitískt bullandi hagsmunatengdur, og því verða allar ákvarðanir litaðar því, hvort sem honum gengur vel eða illa til. 

[Ásthildur Cesil Þórðardóttir, 14.10.2011 kl. 21:38]

Nákvæmlega, um þennan mann mun ALDREI ríkja traust, það ber ráðherra að hafa í huga.

[Sindri Karl Sigurðsson, 15.10.2011 kl. 15:37]

Er þetta ekki einfaldlega pólitískt plott hjá Steingrími?

Hvar stendur Páll í pólitíkinni? Guðmundar Steingríms. megin?